مانسہرہ (این این آئی) مانسہرہ نوبیاہتا جوڑے کی گیس لیکج سے ہلاکت کا واقع،لڑکی کے والد کی درخواست پر عدالت نے قبر کشائی کے احکامات صادر کردیئے۔ پولیس نے تفتیش شروع کردی.اہل خانہ سے پوچھ گچھ مانسہرہ میں نو بیاہتا جوڑے کی پراسرار ہلاکت کے بعد پولیس نے باقاعدہ تفتیش شروع کردی.
گزشتہ روز ڈی ایس پی مانسہرہ محمد بشیر خان نے ایس ایچ او اور تفتیشی افسرندیم خان کے ہمراہ جائے وقوعہ کا دورہ کیا اور شواہد اکٹھے کئے.اس موقع پر متوفی شاہد پرویز کے اہلخانہ کے بیانات قلمبند کئے گئے. تفصیلات کے مطابق ٹینکی موڑ مانسہرہ کے رہائشی نو ہیاہتا جوڑے شاہد پرویز خان اور مسماۃ ع شادی ولیمہ کے بعد رات کو اپنے گھر سوئے اور اگلے روز پراسرار طور پر کمرے میں مردہ حالت میں پائے گئے تھے جس پر متوفیہ کے والد نے واقعہ کو قتل کا خدشہ ظاہر کرکے قبر کشائی, پوسٹ مارٹم اور گھر کے تمام افراد سے تفتیش کی درخواست دی. جس پر عدالت نے 2 جنوری کو قبر کشائی کا حکم دیا جبکہ اس حوالے سے گزشتہ روز ڈی ایس پی مانسہرہ محمد بشیر خان نے انسپکٹر شاہجہان خان اور تفتیشی افسر محمد ندیم خان اور لیڈی کانسٹیبل کے ہمراہ جائے وقوعہ کا دورہ کیا اور شواہد اکٹھے کئے.اس موقع پر پولیس نے گیس ہیٹر.خون کی الٹی سے آلودہ سرہانہ.چھری. متوفی کا موبائل فون سمیت دیگر اشیاء قبضہ میں لیکر لیبارٹری ارسال کردیں لوگوں میں اس واقع کو لے کر طرح طرح کی چہ مگوئیاں کی جا رہی ہیں پوسٹ مارٹم کے بعد ھی اصل حقائق سامنے آئیں گے۔
