اسلام آباد(آن لائن)پاکستان پیپلزپارٹی کے رہنما مولابخش چانڈیو نے کہا ہے کہ بینظیر بھٹو شہید کو صدیاں روئیں گی اور زمانے یاد کریں گے،قاتل قتل کے بارہ برس بعد بھی شہید بی بی سے خوفزدہ ہیں ،صرف قاتل ہی نہیں جمہوریت کا ہر دشمن شہید بی بی کے نام سے خوفزدہ ہے۔ان خیالات کا اظہار انہوں نے گزشتہ روز بینظیر بھٹو کی بارہویں برسی کے موقع پر اپنے پیغام میں کیا۔ان کا مزید کہنا تھا کہ بلاول بھٹو زرداری جمہوریت کا مستقبل اور

جمہوریت دشمنوں کے خوف کا نیا نام ہے،جمہوریت کا مستقبل تاریک کرنے کیلئے بھٹو کے خاندان کو شہید کیا گیا، بھٹو خاندان کو عوام کا وفاق سے اعتماد ختم کرنے کیلئے قتل کیا گیا، بھٹو خاندان نے جانیں قربان کیں مگر عوام کا جمہوریت اور وفاق سے اعتماد ختم ہونے نہیں دیا۔ مولابخش چانڈیو نے مزید کہا کہ شہید بی بی کا سیاسی اور ذاتی انتقام میں یقین نہیں رکھتی تھیں ، شہید بی بی کے دور میں کسی کو سیاسی انتقام میں جیل میں نہیں رکھا گیا،

موضوعات:مولابخش چانڈیو