نئی دہلی (این این آئی)معروف اداکارہ شبانہ اعظمی مودی سرکار کی جانب سے مسلم مخالف قانون بنانے کے خلاف کھل کر سامنے آگئیں۔شبانہ اعظمی نے سماجی رابطے کی ویب سائٹ ٹوئٹر پر بھارت بھر میں مودی سرکار کے متنازع مسلم مخالف قانون کے خلاف مظاہروں کی حمایت میں ایک ویڈیو پیغام جاری کیا

جس میں انہوں نے کہا کہ اگرچہ میں بیرون ملک میں ہونے کی وجہ سے ذاتی طور پر مظاہرے میں شامل نہیں ہوں لیکن میں مکمل طور پر حمایت کرتی ہوں، شبانہ عظمی نے بھارتیوں سے گزارش کرتے ہوئے کہا کہ بنا کسی افراتفری مظاہروں میں زیادہ سے زیادہ شرکت کرکے اس مہم کو آگے بڑھائیں۔شبانی اعظمی نے ویڈیو کا اختتام کیفی اعظمی کا شعر پڑھ کر کہا کہ ’’آج کی رات بہت گرم ہوا چلتی ہے، آج کی رات نہ فٹ پاتھ پر نیند آئیگی،سب اْٹھوں، میں بھی اْٹھوں، کوئی کھڑکی اسی دیوار میں کھل جائیگی‘‘۔اداکارہ نے اپنی دوسری ویڈیو میں اپنے شوہر جاوید اختر کا شعر پڑھ کر کہا کہ ’جو مجھ کو زندہ جلا رہے ہیں کہ میری زنجیریں دھیرے دھیرے پگھل رہی ہیں، میں قتل تو ہو گیا تمہاری گلی میں لیکن میرے لہو سے تمھاری دیوار گل رہی ہے‘۔ ساتھ ہی انہوں نے مودی سرکار کو مخاطب کرتے ہوئے کہا کہ ہماری آواز کو دبانے کے بجائے حکومت ہماری آواز کو سنے اور آج جو لوگ احتجاج کر رہے ہیں میں اْن کے ساتھ ہوں۔شبانی اعظمی نے اپنی تیسرے ویڈیو میں بھی جاوید اختر کا شعر پڑھنے کے بعد تلخ لہجے میں کہا کہ میں مسلم مخالف قانون کے خلاف کھڑی ہوں ساتھ ہی انہوں نے کیپشن میں لکھا کہ جواب دو۔‎