اسلام آباد (این این آئی) معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ اگر فیصلے میں انصاف ہے تو حکومت انصاف کے ساتھ کھڑی ہے۔ پرویز مشرف کے خلاف تفصیلی فیصلہ پر معاون خصوصی برائے اطلاعات ڈاکٹر فردوس عاشق اعوان نے میڈیا سے گفتگو کرتے ہوئے کہاکہ حکومتی لیگل ٹیم تفصیلی فیصلے کا جائزہ لے گی۔ انہوں نے کہاکہ قانونی ماہرین فیصلے
کے قانونی سیاسی اور سلامتی کے پہلووں کا جائزہ لے کر حکومتی بیانیہ سامنے رکھیں گے۔ انہوکں نے کہاکہ اگر فیصلے میں انصاف ہے تو حکومت کے انصاف کے ساتھ کھڑی ہے، اگر فیصلے میں انصاف نظر نہ آیا تو حکومت انصاف چھیننے کے ساتھ نہیں کھڑی ہوگی۔ انہوں نے کہاکہ اپیل کا فیصلہ تو مشرف صاحب کے وکلاء نے کرنا ہے،حکومت قانون کے دفاع کے لیے کھڑی ہوگی۔
