پسرور( آن لائن )ایک اور امریکی خاتون پاکستانی نوجوان پر دل ہار بیٹھی۔تفصیلات کے مطابق فیس بک پر پاکستانی لڑکے سے دوستی کے بعد امریکن لڑکی شادی کے لیے پسرور پہنچ گئی۔بتایا گیا ہے کہ امریکن لڑکی روبیکا کی فیس بک پر پسرور کے نواحی گاں جسوراں کے 24 سالہ داد سے دوستی ہوئی
جو بعد میں پیار میں بدل گئی۔روبیکا داد کو اپنا ہمسفر بنانے کے لیے ہزاروں میل کا سفر طے کر کے پاکستان کے علاقے پسرور پہنچی۔روبیکا نے اسلام قبول کیا بعدازاں داد سے شادی کر لی۔۔روبیکا کا اسلامی نام عمیرہ رکھا گیا۔داد کے بارے میں بتایا گیا ہے وہ ایریگیشن کا ملازم ہے اور والدین کا کلوتا بیٹا بھی ہے۔جب کہ دلہن کا کہنا ہے کہ میں داد کے ساتھ بہت خوش ہوں اور دوسری مرتبہ پاکستان آئی ہوں۔پاکستانیوں سے بہت پیار ملا۔یہاں کے عوام اور ملک بہت خوبصورت ہے۔دولہے کا کہنا ہے کہ 2018 کے آخر میں ہماری بات ہوئی تھی اس کے بعد یہ پاکستان آئیں اور ایک ماہ گزار کر امریکا چلی گئیں۔لیکن یہ دوبارہ پاکستان آئیں اور ہم نے شادی کی۔مجھے یقین نہیں تھا کہ امریکی خاتون سے دوستی شادی میں بدل جائے گی۔ان کا مزید کہنا تھا کہ مجھے امریکی خاتون سے شادی کرنے کے لیے گھر والوں نے بہت سپورٹ کیا اور میں جلد ہی امریکا چلا جاں گا۔لیکن ہم پاکستان میں رہیں یا امریکا میں اس سے کوئی فرق نہیں پڑتا۔
