اسلام آباد(آن لائن)سانحہ آرمی پبلک اسکول (اے پی ایس) کی پانچویں برسی کے موقع پر پاک فوج کے شعبہ تعلقات عامہ (آئی ایس پی آر) نے خصوصی ترانہ جاری کر دیا ہے۔دکھ کے اس موقع پر ڈائریکٹر جنرل آئی ایس پی آر میجر جنرل آصف غفور نے سماجی رابطوں کی ویب سائٹ ٹوئٹر پر سانحہ اے پی ایس کے شہدا کو خراج عقیدت پیش کرتے ہوئے
کہا کہ سانحہ اے پی ایس کو کبھی نہیں بھلایا جائے گا۔انہوں نے لکھا کہ شہدا اور ان کے اہلخانہ کو سلام پیش کرتے ہیں، دہشتگردی کو ناکام بنانے کیلیے بطور قوم ہم نے طویل جدوجہد کی ہے۔آرمی چیف جنرل قمر جاوید باجوہ کی جانب سے دیے گئے پیغام میں انہوں نے لکھا کہ پاکستان میں دیرپا امن اور خوشحالی کیلیے متحد ہوکر آگے بڑھنا ہوگا۔
