کراچی(این این آئی)وفاقی حکومت نے پرانا قرض واپس کرنے کے لیے منی مارکیٹ سے 210 ارب روپے کے نئے قرضے لے لیے۔آئی ایم ایف کے تحفظات کے باعث رواں مالی سال بجٹ اخراجات کے لیے حکومت مرکزی بینک سے قرض لینے کی بجائے صرف نجی بینکنگ سیکٹر سے ہی قرض لے رہی ہے، اسٹیٹ بینک کے مطابق حکومت نے اخراجات کے لیے کمرشل بینکوں سے مجموعی طور پر 209 ارب 88 کروڑ 52 لاکھ روپے

قرض لیا۔نیا قرض تین، پانچ اور دس سالہ مدت کے پاکستان انوسمنٹ بانڈز کی فروخت سے حاصل کیا گیا، اخراجات زیادہ ہونے کے باعث حکومت نے بینکوں سے مقررہ ہدف سے بھی 40 فیصد زیادہ رقم قرض لی، اس نیلامی کے ذریعے ایک سو پچاس ارب روپے کے حصول کا ٹارگٹ رکھا گیا تھا، حکومت نے رواں ہفتے کے دوران مقامی بینکوں کے دو سو پچپن ارب روپے واپس کرنے ہیں۔