کراچی (سی پی پی)سندھ حکومت نے مزید ایک ہزار این جی اوز کی رجسٹریشن منسوخ کردی ہے، این جی اوز کی منسوخی کا فیصلہ قواعد و ضوابط کی روشنی میں کیا گیا ہے۔اس حوالے سے سیکریٹری سماجی بہبود نواز شیخ کا کہنا ہے کہ کراچی میں 697، سکھر میں 263 اور لاڑکانہ کی

40 این جی اوز کی رجسٹریشن منسوخ کی گئی ہے۔سندھ میں اب تک مجموعی طور پر 5 ہزار 693 این جی اوز کی رجسٹریشن منسوخ کی جاچکی ہے، سیکریٹری سماجی بہبود نے بتایا کہ مذکورہ این جی اوز نے آڈٹ رپورٹ اور الیکشن رپورٹس جمع نہیں کرائی تھیں جس کے بعد ان کیخلاف یہ اقدام کیا گیا۔