سرینگر(این این آئی)مقبوضہ کشمیر میں بھارتی فوجیو ں نے کشمیریوں کو اقتصادی طورپرکمزور کرنے کے مذموم منصوبے کے تحت ضلع پلوامہ میں ایک پولٹری فارم کو تباہ کرکے 400مرغیاں ہلاک کردی ہیں۔ کشمیرمیڈیا سروس کے مطابق بھارتی فوج کی راشٹریہ رائفلز، سینٹرل ریزروپولیس فورس اورپولیس کے سپیشل آپریشن گروپ سے وابستہ اہلکاروں نے
ضلع کے علاقے شار پامپور میں محاصرے اورتلاشی کی ایک کارروائی کے دوران پولٹری فارم کو تباہ کرکے 400کے قریب مرغیوں کو ہلاک کردیاہے۔ اس سے پہلے اسی علاقے میں بھارتی فوجیوں اورمجاہدین کے درمیان ایک جھڑپ ہونے کی اطلاعات تھیں۔ بھارتی فوجیوں نے علاقے کو محاصرے میں لے کرتلاشی کی کارروائی شروع کردی جوآخری اطلاعات آنے تک جاری تھی۔
