اسلام آباد (این این آئی)دورہ پاکستان سے قبل سری لنکن ٹیم کو بڑا دھچکا لگا ہے اور لنکن ٹیم دورے کے لیے دستیاب اپنے اہم کھلاڑی سرنگا لکمل کی خدمات سے محروم ہو گئی ہے۔تفصیلات کے مطابق دورہ پاکستان سے قبل ہی سری لنکا کے اہم بولر سرنگا لکمل ڈینگی کا شکار ہو کر ٹیم سے باہر ہو گئے ہیں۔سری لنکن میڈیا کے مطابق سرنگا لکمل کی جگہ آسیتھا فرنینڈو کو ٹیم میں
شامل کرنے کا فیصلہ کیا گیا ہے۔دوسری جانب سری لنکن ٹیسٹ ٹیم کے کپتان ڈیموتھ کرونا رتنے نے بتایا کہ پہلی بار پاکستان کا دورہ کر رہا ہوں، ورلڈ ٹیسٹ چمپئن شپ میں یہ ہماری پہلی بیرون ملک سیریز ہو گی، یہ میچز ہمارے لیے اہم ہیں۔سری لنکن کپتان نے کہا لڑکوں نے اس سے قبل پاکستان کے خلاف اچھا کھیل پیش کیا، ہم پاکستان کو سیریز میں شکست دینے کے لیے پرْعزم ہیں۔
