اسلام آباد(مانیٹرنگ ڈیسک)صوبائی دارالخلافہ کراچی میں مبینہ پولیس مقابلے میں قتل نقیب اللہ محسود کے والد کی نمازجنازہ ان کے آبائی گاؤں ٹانک میں ادا کر دی گئی ۔جس کے بعد انہیں سپرد خاک کردیا گیا،محمد خان شہید کی نمازجنازہ میں اعلیٰ فوجی حکام نے بھی شرکت کی۔
جن میں سیکٹرکمانڈر بریگیڈیر امتیاز حسین،کرنل الطاف بلوچ ودیگر شامل ہیں۔گزشتہ روز آرمی چیف کی جانب سےبھی نقیب اللہ محسود کے والد کے انتقال پرگہرے رنج و غم کا اظہار کیا گیا تھا،یاد رہے نقیب اللہ محسود کے والد کینسر کے مرض میں مبتلا تھےجو گزشتہ روز انتقال کر گئے تھے ۔
