اسلام آباد(مانیٹرنگ ڈیسک)پاکستان بھارت سے کوئی روایتی جنگ نہیں جیت سکتا ، بھارتی وزیر دفاع راج ناتھ سنگھ کی ایک بار پھر بڑھکیں، بھارتی میڈیا کے مطابق پونا کی نیشنل ڈیفنس اکیڈمی میں پاسنگ آؤٹ پریڈ سے خطاب کرتے ہوئے راج ناتھ سنگھ نےکہا کہ پاکستان اپنا پراکسی وار کا شوق پورا کررہا تھا کیونکہ اسے پتا چل چکا ہےکہ وہ ہم سے روایتی جنگ نہیں جیت سکتا۔انہوں نے کہا کہ پاکستان نے پراکسی وار کا
راستہ خود چنا جس میں اسے صرف شکست ہوگی۔پاکستان 1948 سے ہی حقیقت جان چکا تھا، اور پھر 1965، 71 اور 99 کی جنگوں کے ذریعے کہ وہ بھارت سے کوئی روایتی یا محدود جنگ نہیں جیت سکتا۔ان کا کہنا تھا کہ بھارت کے ہمیشہ سے دیگر ممالک کے ساتھ اچھے اور دوستانہ تعلقات رہے، بھارت کے کبھی اضافی علاقائی مقاصد نہیں رہے لیکن کوئی اشتعال انگیزی ہوئی تو ہم کسی کو نہیں چھوڑا جائیگا۔
