اسلام آباد(آن لائن) مسلم لیگ (ن) کے صدر  شہباز شریف کی ضمانت منسوخی کیلئے نیب کی اپیل سماعت کیلئے مقرر کر دی گئی۔ شہباز شریف ضمانت منسوخی کیلئے نیب کی اپیل کی سماعت 3دسمبر کو ہو گی۔ چیف جسٹس سپریم کورٹ کی سربراہی میں جسٹس منصور علی شاہ اور جسٹس مظہر عالم میاں خیل

پر مشتمل تین رکنی بنچ نیب کی اپیل کی سماعت کرے گا۔ واضح رہے کہ صدر مسلم لیگ ن شہباز شریف ان دنوں لندن میں ہیں جہاں وہ اپنے بھائی میاں نواز شریف کے علاج کے سلسلے میں ان کے ساتھ ہیں اور اگر شہباز شریف کی ضمانت منسوخ ہوتی ہے تو ان کو لندن سے واپس پاکستان آنا پڑے گا۔