لاہور( این این آئی )شدید دھند کے باعث موٹر و ے کو مختلف مقامات سے ہر قسم کی ٹریفک کیلے بند رکھا گیا ۔ترجمان موٹر وے پولیس کے مطابق ٹھوکر نیاز سے لے کر کالا شاہ کاکو تک شدید دھند کی وجہ سے موٹر وے کوہر قسم کی ٹریفک کے لئے بند کر دیا گیا تاہم صورتحال میں بہتری ہونے پر موٹر وے کو بحال کر دیا گیا ۔ٹھوکر نیاز سے ہرن مینار تک حد نگاہ 40 میٹر سے 50 میٹر جبکہ ہرن مینار سے سے کوٹ سرور تک مختلف مقامات پر حد نگاہ 100 سے 200
میٹر رہی ۔ترجمان موٹروے نے موٹر وے پر سفر کرنے والوں کو انتباہ کرتے ہوئے کہا ہے کہ گاڑی کے آگے اور پیچھے فوگ لائٹس کا استعمال کریں ،رفتار کم رکھیں اور اچانک بریک لگانے سے پرہیز کریں ،ہیڈلائٹ لوبین پر رکھیں،سفر شروع کرنے سے پہلے ہیلپ لائن 130 سے مدد لیں۔ ترجمان کے مطابق موبائل فون ایپلیکیشن ’’این ایچ ایم پی ہمسفر‘‘میں تازہ ترین ٹریول ایڈوائزری جاری کر دی گئی ہے،سفر شروع کرنے سے پہلے اور دوران سفر ایپ کا استعمال مفید ثابت ہوسکتا ہے ۔