اسلام آباد (این این آئی) وزیراعظم عمران خان نے کہا ہے کہ پچھلے دنوں ملک کو غیر مستحکم کرنے کی کوشش کی گئی، پہلے دھرنے کے ذریعے اور اب عدالت میں کیس کے ذریعے، یہ امید لگا کر بیٹھے تھے کہ پاکستان کسی طرح غیر مستحکم ہوجائے،ان سب کو شکست ہوئی اور آگے بھی شکست ہوگی، پاکستان مشکل سے نکل کر تیزی سے آگے بڑھ رہا ہے،سفراء کانفرنس برائے افریقا سے خطاب میں وزیراعظم عمران خان نے پچھلے دنوں میں ملک کو غیر مستحکم کرنے کی کوشش کی گئی،
پہلے دھرنے کے ذریعے اور اب جو عدالت میں کیس تھا اسے جس طرح اٹھایا گیا، یہ امید لگا کر بیٹھے تھے کہ پاکستان کسی طرح غیر مستحکم ہوجائے۔انہوں نے کہا کہ پاکستان مشکل سے نکل کر تیزی سے آگے بڑھ رہا ہے،اس وقت ملک کو میری زیادہ ضرورت ہے، صدر علوی کو افریقا بھیجیں گے،عمران خان نے کہا کہ انہوں نے سوچا تھا کہ ادارے آپس میں لڑ پڑیں گے، ادارے ایک دوسرے سے کبھی بھی تصادم نہیں کریں گے، سب اداروں نے اپنے دائرے میں رہنا شروع کردیا، ایک دوسرے کا احترام کرتے ہیں۔وزیراعظم نے کہا کہ ان سب کو شکست ہوئی اور آگے بھی شکست ہوگی، پاکستان مشکل سے نکل کر تیزی سے آگے بڑھ رہا ہے۔عمران خان نے کہا کہ بھارت میں میڈیا نے دھرنے کو جشن کی طرح استعمال کیا کیوں کہ دھرنے کی وجہ سے کشمیر کا معاملہ پس پشت چلا گیا۔وزیراعظم نے کہا کہ بھارت نے سپریم کورٹ کا معاملہ بھی اپنے فائدے کیلئے استعمال کیا تاہم پاکستان میں ہم آہنگی سے مخالفین کو شکست ہوئی ہے، دشمن نے سوچا تھا ادارے آپس میں لڑ پڑیں گے، خوشی ہے ہم نے ملک کو غیر مستحکم کرنے کی سازش ناکام بنائی۔عمران خان نے کہا کہ بھارتیہ جنتا پارٹی کی سوچ تھی کہ پاکستان میں ادارے آپس میں لڑ جائیں گے، مارچ اور دھرنے کی وجہ سے بھارت میں خوشیاں منائی گئیں، بی جے پی حکومت مارچ، دھرنے اور حالیہ صورتحال سے خوش تھی، لیکن دشمنوں کی کوئی خواہش پوری نہیں ہوگی، پاکستان ترقی کرے گا۔اپنے خطاب میں وزیراعظم نے کہا کہ ماضی میں میرٹ کو نظر انداز کیا گیا، اہم پوزیشنز پر ان لوگوں کو بٹھایا گیا جو حق نہیں رکھتے تھے، چین میں میرٹ کو اوپر لانے کا سسٹم دیکھیں تو سمجھیں گے کہ وہ اتنی ترقی کیسے کر گئے، جمہوریت کی خوبی ہی یہ ہے کہ اس میں میرٹ ہوتا ہے۔
