پشاور(این این آئی)28 نومبر سے لاہور میں شروع ہونیوالی انڈر21 نیشنل جونیئر ہاکی چمپئن شپ کے لئے خیبرپختونخوا کی دو ٹیموں کے انتخاب کے لئے ٹرائلز گزشتہ روز پشاور کے لالہ ایوب ہاکی سٹیڈیم میں منعقد ہوئے سلیکشن کمیٹی کے چیئرمین پاکستان ہاکی فیڈریشن کے

ایسوسی ایٹ سیکرٹری اور کے پی ہاکی ایسوسی ایشن کے صدر سید ظاہر شاہ تھے جبکہ ان کے ہمراہ سابق ہاکی اولمپئن ایبٹ آباد کے نعیم اختر‘ہیڈ کوچ و سابق انٹرنیشنل پلیئر یاسر اسلام ‘سید ضیاء الرحمان بنوری اورممبر پی ایچ ایف کانگرس وزیرزادہ شامل تھے‘صوبائی ہاکی ایسوسی ایشن کے صدر سید ظاہر شاہ نے ٹرائلز میں منتخب ہونیوالے کھلاڑیوں کے ناموں کا اعلان کیا جس کے مطابق ٹیم اے میں ابصاور ‘صفیان‘عثمان‘قیصر ‘یاسین علی ‘ عمر‘اسماعیل‘ثاقب‘زرین‘امجد‘عامر فاروق‘ نعمان‘احسان‘مزمل‘عثمان خان‘عبدالوہاب‘زبیر اور فیضان جبکہ ٹیم بی میں وسیم ‘سلیم ‘دانیال‘قاسم ‘قیصیر‘ سلمان‘اسامیہ‘سعید اللہ ‘شاہ سوار‘جبران‘تیمور‘عبدالرحمان‘یاسین علی ‘رضا حبیب‘منیب ‘فواد ‘احمد اور فہد شامل ہیں ان کھلاڑیوں کے علاوہ سولہ کھلاڑی سٹینڈ بائی بھی رکھے گئے ٹیم قومی مقابلوں میں شرکت کے لئے ستائیس نومبر کو لاہور روانہ ہوگی۔ٹیم آفیشلز میں سیکرٹری کے پی ہاکی ایسوسی ایشن حاجی ہدایت اللہ خان‘طفیل خان اور منظور احمد سادات شامل ہیں۔