اسلام آباد(مانیٹرنگ ڈیسک)سینئر صحافی و تجزیہ کار عارف حمید بھٹی نے نجی ٹی وی پروگرام میں گفتگو کرتے ہوئے کہا کہ جس دن نواز شریف کے 2 ہزار پلیٹ لیٹس کی خبر آئی اسی دن انہوں نے خالص دودھ اور دہی سے بنی میٹھی لسی کا پورا جگ پیا اور دیسی گھی سے بنے آلو انڈے کے پراٹھے اور گوشت بھی کھایا تھا ۔ وارڈ میں موجود ڈاکٹر نواز شریف کی بیماری سے ناواقف تھے ۔

ڈاکٹرز کو اندر جانے کی اجازت نہیں تھی ، ان کو اندر سے ایک پرچی ملتی تھی اور وہ وہی بتاتے تھے۔ انہوں نے کہا کہ اگر مسلم لیگ ن چاہے یا ڈاکٹر محمود چاہیں تو اعتراض یا تردید کرسکتے ہیں۔ انہوں نے کہا کہ میں یہ سب آن کیمرہ کہہ رہا ہوں۔ میں وہ بات کہہ رہا ہوں جو ان کے قریب ترین ساتھیوں نے بتائی ہے۔یہ کھانا خصوصی طور پر گھر سے بن کر ہسپتال گیاتھا۔