اسلام آباد (مانیٹرنگ ڈیسک)سینئرصحافی و تجزیہ کار ہارون الرشید نے نجی ٹی وی پروگرام میں انکشاف کیا ہےکہ لوگ کہہ رہے ہیں کہ پاکستان تحریک انصاف کے بڑے لوگ پارٹی چھوڑ دیں گے۔ انہوں نے انکشاف کیا کہ جہانگیرترین بھی ناراض ہیں، یہ بحث ہورہی ہے کہ ایک ترمیم لائی جائے جس میں نوازشریف بھی اہل ہوجائیں اورجہانگیرترین بھی اہل ہو جائیں ۔

ان کا مزید کہنا تھا کہ پاکستان پیپلزپارٹی والے چاہتے ہیں کہ زرداری کو ریلیف مل جائے لیکن جیسے جیسے ردعمل بڑھے گا تو حکومت کو آصف زرداری کو کراچی بھیجنا پڑے گا۔میرا خیال ہے کہ مریم نواز باہرچلی جائیں گی۔ سارے معاملات حمزہ شہباز دیکھیں گے لیکن جیسے حالات سازگار ہوں گے تو وہ باہر سے واپس آجائیں گی اورسیاست کریں گی۔