لاہور (مانیٹرنگ ڈیسک) سابق وزیراعظم میاں نواز شریف کی صاحبزادی مریم نواز کی طبیعت اچانک خراب ہو گئی، لاہور میں ہفتے کے روز مریم نواز کی اچانک طبیعت خراب ہو گئی جس کی وجہ سے انہوں نے اپنی تمام مصروفیات ترک کر دیں، ان کا شریف میڈیکل سٹی میں طبی معائنہ کیاگیا، ڈاکٹرز نے مریم نواز کو مکمل آرام کرنے کا مشورہ دیا ہے، ڈاکٹرز
نے معائنے کے بعد بتایا کہ ذہنی تناؤ کی وجہ سے مریم نواز کے بلڈ پریشر میں اضافہ ہوا، اس حوالے سے ن لیگ کے ذرائع کا کہنا ہے کہ رات کو ہی مریم نواز کے جسم میں درد تھا اور ان کا بلڈ پریشر بڑھ گیا تھا، اپنے وکلاء سے مریم نواز نے صلاح مشورے کے لیے ملاقات کرنا تھی لیکن طبیعت کی خرابی کی وجہ سے یہ ملاقات منسوخ کرنا پڑی۔
