لاہور(مانیٹرنگ ڈیسک)وزیراعلیٰپنجاب پنجاب سردارعثمان بزدارکی قیادت میں محکمہ صحت پنجاب نے ہیلتھ کیئرسسٹم میں انقلاب برپا کردیا ہے جس کو سوشل میڈیا خاص طورپر ٹوئٹر صارفین بہت سراہ رہے ہیں اور اس وقت محکمہ صحت پنجاب کی ایک سالہ کارکردگی ٹوئٹرپر ٹاپ ٹرینڈ بن چکی ہے ۔
جس میں صارفین دل کھول کرپنجاب حکومت کے ہیلتھ کیئرکے متعلق اقدامات کی تعریف کررہے ہیں. #شوبازی_نہیں_کام سے بننے والے ٹرینڈ میں ایک سالہ کارکردگی پر بھر پور اور دیا جارہا ہے-اس حوالے سے وزیراعلیٰ پنجاب سردارعثمان بزدارنے ٹوئٹرپر اظہارِخیال کرتے ہوئے کہا ہے کہ جب ہم نے پنجاب میں حکومت سنبھالی تو ناصرف ریفارمز بلکہ ہسپتالوں کی capacity building پر بھی ساتھ ہی کام شروع کیا. ہم اس وقت صحت کےشعبے میں 30 ہزار ہیلتھ کیئر ورکرز کی بھرتیوں کےساتھ 9ہسپتالوں، 14 نرسنگ کالجز،صحت انصاف کارڈز اور سسٹم میں نئے بیڈز پر کام کر رہےہیں. محکمہ صحت پنجاب کی ایک سالہ کارکردگی کو سراہتے ہوئے انہوں نے کہا کہ ہماری حکومت نے ایک سال میں صحت کے شعبے میں تیس ہزارنئی بھرتیاں کیں. 9 نئے ہسپتالوں پر کام شروع کیا گیا جبکہ 14 نئے نرسنگ کالجزپر بھی کام جاری ہے. پنجاب کے 30 اضلاع میں صحت انصاف کارڈ کی فراہمی بھی شروع ہوگئی ہے. پنجاب کے 40 ڈسٹرکٹ اورتحصیل ہیڈکوارٹرزکی تعمیرِ نوکا آغازبھی کردیا گیا ہے جبکہ 8600 نئے بیڈز کو بھی ہیلتھ کیئرسسٹم میں شامل کرنے کا کام بھی جاری ہے. پنجاب میں42 ہزارسکولوں میں نیوٹریشن پروگرام بھی شروع کردیا گیا ہے۔
