لاہور(این این آئی) سینئر اداکار فردوس جمال نے کہا ہے کہ تنقید برائے تنقید کا قائل نہیں بلکہ ہمیشہ رہنمائی اور اصلاح کی نیت سے اظہار کرتا ہوں ،آج کے دور کے فنکار کے پاس بے پناہ مواقع ہیں جبکہ ہمارے دور میں ایسا نہیں تھا ۔ ایک انٹرویو میں فردوس جمال نے کہا کہ فن کی دنیا میں دہائیاں گزارچکا ہوں لیکن آج بھی یہ سمجھتا ہوں کہ مجھے مزید سیکھنے کی ضرورت
ہے۔میں اپنی دانست کے مطابق رہنمائی او راصلاح کی نیت سے اظہار کرتا ہوں لیکن اگر اسے کسی اور رنگ میں پیش کیا جائے تو میں کیا کہہ سکتاہوں ۔ فردوس جمال نے کہاکہ ڈرامہ انڈسٹری میں بہت سے نئے چہرے ایسے ہیں جو اچھا کام کر رہے ہیں اور ان میں مزید سیکھنے کی لگن اور جستجو بھی نظر آتی ہے اور ایسے ہی لوگ کامیابی کی منازل طے کرتے ہیں۔