چناری(آن لائن)بھارتی فوج کی وادی لیپاء کی سول آبادی پر بلا اشتعال فائرنگ و گولہ باری، دو افرادزخمی ،سات مکانات تباہ ،تعلیمی ادارے اور بازار بند،تفصیلات کے مطابق بدھ کی صبح تقریباً چھ بجے سے ساڑھے آٹھ بجے تک بھارتی فوج نے آزاد کشمیر کے ضلع جہلم ویلی،ہٹیاں بالا کے سرحدی دیہاتوں لبگراں ،سد پورہ اور انٹلیاں پر بلااشتعال گولہ باری اور فائرنگ کی جس کے نتیجہ میں انور ولد محمد یعقوب،محمد عمر ولد عبدالجلیل ساکنان لبگراں زخمی ہو گئے جنہیں
ہسپتال داخل کروا دیا گیا ہے جبکہ عارف ولد بوستان ،بوستان ولد محمد اکبر،محمد رفیع ولد بوستان،حبیب اللہ ولد میاں عبداللہ،خورشید ولد میاں عبداللہ،سلطان ولد احمد لون اور محمد شفیق ولد محمد سیلمان ساکنان سد پورہ کے رہائشی مکانات تباہ ہو گئے ۔بھارتی گولہ باری کے باعث بدھ کے روز وادی لیپاء کے تمام چھوٹے بڑے بازار اور تعلیمی ادارے بند رہے پاک فوج نےموثر جواب دیتے ہوئے بھارتی گنوں کو خاموش کروا دیا جس کے بعد مقامی آبادی نے سکھ کا سانس لیا۔
