اسلام آباد(مانیٹرنگ ڈیسک ) ایک برادراسلامی ملک جو طویل عرصہ سے مولانافضل الرحمان کی فنڈنگ کررہاہے اور وہاں مولانا کووی وی آئی پی پروٹوکول بھی ملتاہے ،ا س کی طرف سے پیغام پہنچایاگیا ہے کہ وہ عمران خان کی حکومت کیخلاف دھرنا نہ دیں۔ مولانا فضل الرحمان جو پہلے ہی مشکلات میں گھر چکے ہیں کیونکہ پیپلزپارٹی اور مسلم لیگ ن بھی کھل کر ان کا ساتھ نہیں دے رہی اور عوامی نیشنل پارٹی ہی وہ واحد جماعت ہے جو

اس وقت جے یوآئی اور مولانا فضل الرحمان کیساتھ کھڑی دکھائی دیتی ہے۔ تمام تر صورتحال میں سینئر صحافی منصور آفاق کا خیال ہے کہ اب مولانا فضل الرحمان کوئی ایساراستہ تلاش کرنے کی کوشش کریں گے جس سے ان کی عزت بھی بچ جائے اور لاٹھی بھی بچ جائے، ایسے دوستوں کو ناراض کرنا مولانا کے مستقبل کے لیے بہت خطرناک ہوسکتاہے ۔یاد رہے کہ مولانا فضل الرحمن کا آزادی مارچ رواں ماہ کی 31تاریخ کو شیڈول ہے ۔

موضوعات:مولانا فضل الرحمن