اسلام آباد (مانیٹرنگ دیسک)وفاقی وزیر شیخ رشید احمد نے دعویٰ کیا ہے کہ لاہور میں جیل سے ایک صاحبزادی سے پکڑے گئے موبائل سے زبردست معلومات حاصل ہو گئی ہیں ۔شیخ رشید احمد نے کہا کہ صرف 5 لوگوں کو این آر او دینے کا معاملہ ہے جس دن یہ این آر او جاری ہوا اسی دن یہ سب تحریکیں ختم ہو جائیں گی ۔ وزیراعظم آج ان پانچ آدمیوں کو چھوڑنے کااعلان کر دیں تو دھرنوں کا دھڑن تختہ ہو جائے گا ۔ وفاقی وزیر ریلوے نے انکشاف کرتے ہوئے کہا ہے کہ لاہور جیل میں ایک صاحبزادی سے موبائل پکڑا گیا ہے،

ان خاتون کے موبائل سے زبردست انفارمیشن حاصل ہوئی ہے، جو لوگ رابطے میں تھے سارے لوگوں سے متعلق موبائل فون میں ریکارڈ موجود ہے۔شیخ رشید نے اپنے دعوے میں کسی کا نام نہیں لیا لیکن اس وقت مسلم لیگ ن کی نائب صدر اور سابق وزیراعظم نواز شریف کی صاحبزادی لاہور کی کوٹ لکھپت جیل میں قید ہیں۔مولانا فضل الرحمان کے آزادی مارچ سے متعلق شیخ رشید احمد نے کہا ہے کہ مولانا فضل الرحمان تو احتجاج کیلئے راضی ہی نہیں تھے پتہ نہیں 24گھنٹوں کے میں ایسا کیا ہوا سمجھ میں نہیں آیا ۔