لاہور (آن لائن) ترجمان وزیراعلیٰ آفس نے کہا ہے کہ نوجوان کودہکتے کوئلوں پر چلانے کے واقعہ کا تعلق وزیراعلیٰ پنجاب سردار عثمان بزدار کے حلقے سے نہیں ہے اوراس ضمن میں بعض میڈیا پر نشر ہونے والی خبر میں حقائق کو مسخ کیاگیاہے۔ترجمان کے مطابق وزیراعلیٰ نے اس واقعہ کا سخت نوٹس لیتے ہوئے تحقیقات کا حکم دے دیا ہے اور
کمشنر ڈیرہ غازی خان ڈویژن اور آر پی او سے رپورٹ طلب کرلی ہے۔وزیراعلیٰ نے کہا ہے کہ جو بھی ذمہ دارہوا قانون اس کے خلاف حرکت میں آئے گااوراس ضمن میں حقائق کو سامنے لایا جائے گا۔ترجمان نے مزیدبتایاکہ ابتدائی رپورٹ کے مطابق واقعہ بلوچستان سے متصل سرحدی علاقے میں پیش آیا،تاہم اس ضمن میں مزید تحقیقات جاری ہیں۔
