اسلام آباد(مانیٹرنگ ڈیسک)ہونڈا نے پھر اپنی موٹر سائیکلوں کی قیمتوں میں ایک سے چار ہزار روپے تک اضافہ کر دیا ۔میڈیا رپورٹس کے مطابق ہونڈا نے اپنی مشہور زمانہ موٹر سائیکل سی ڈی 70 کی قیمت میں ایک ہزار روپے اضافہ کر دیاہے جس کے بعد اس کی نئی قیمت 74 ہزار 900 روپے ہو گئی ہے جبکہ سی ڈی 70 ڈریم کی قیمت میں بھی ایک ہزار روپے اضافہ

کیا گیا ہے اور اس کی نئی قیمت 78 ہزار 900 روپے ہو گئی ہے ۔اس کے علاوہ موٹر سائیکل ہونڈا سی جی 125 بھی ایک ہزار روپے مہنگا ہو کر ایک لاکھ 24 ہزار 500 روپے کا ہو گیاہے ۔ سی جی 125 ایس کی قیمت ایک لاکھ 44 ہزار 900 سے بڑھ کر ایک لاکھ 46 ہزار 900 روپے، سی جی 125 ایس اسپیشل ایڈیشن کی قیمت ایک لاکھ 48 ہزار 900 روپے کر دی گئی ۔

موضوعات:ہونڈا