لاہور( این این آئی )جمعہ کے ر وز حادثے کا شکار ہونے والی رحمان بابا ایکسپریس کاڈرائیور اور اسسٹنٹ غیر تربیت یافتہ ہونے کا انکشاف ہوا ہے۔ جمعہ کے روز ٹوبہ کے قریب حادثہ رحمان بابا ٹرین کی چار بوگیاں پٹڑی سے نیچے اتر گئی تھیںجسکی وجہ سے 10مسافر زخمی ہو گئے تھے ۔ نجی ٹی وی کے مطابق تحقیقات سے پتہ چلا کہ ٹرین چلانے والا ڈرائیور پہلی بار مسافر ٹرین چلا رہا تھا جبکہ اس سے قبل وہ مال گاڑی چلاتا رہا ۔مال گاڑی کے ڈرائیور کو فورمین نے پسند
کی بنیاد پر مسافر ٹرین پر روانہ کیا۔2017 میں بھرتی ہونے والے ڈرائیور اور اسسٹنٹ ڈرائیور غیر تربیت یافتہ تھے۔ ذرائع کے مطابق ٹرین کے ڈرائیور نے ٹرین قابو میں نہ ہونے پر وائرلیس کے ذریعے قبل از وقت ہی اطلاع کر دی تھی جس پر اسے فوری طور پر محکمہ ریلوے کے مقامی حکام کی جانب سے ایمرجنسی بریک لگانے کا کہا گیا۔ دوسری جانب حادثہ کے بعد حکام کی جانب سے سپروائزر اور ڈرائیور کے خلاف محکمانہ انکوائری شروع کر دی گئی ہے۔
