اسلام آباد (این این آئی) سابق وزیر اعظم نواز شریف کیخلاف سرکاری گاڑیوں کے استعمال کیس میں نیب حکام نے دفتر خارجہ کے آٹھ سینئر افسران سے گزشتہ ہفتے تفتیش کی گئی ۔ ذرائع کے مطابق بیرون ملک افسران کو وطن واپس طلب کرکے تفتیش کی گئی ،تفتیش ان افسران سے کی گئی جن کا تعلق پروٹوکول سیکشن اور سیکرٹری خارجہ کے
دفتر سے تھا ۔ ذرائع کے مطابق نعیم چیمہ ، افتخار عزیز ، صاحبزادہ احمد خان ، تصور خان ، سلمان شریف ، سردار عدنان رشید ، وسیم شہزاد اور شجاعت راٹھور سے تفتیش کی گئی ،گاڑیوں کی درآمد ، ادائیگی کا طریقہ کار اور استعمال سے متعلق سوال جواب کیے گئے ،نیب کی جانب سے جلد سابق سیکرٹری خارجہ اعزاز چوہدری کو طلب کیے جانے کا امکان ہے ۔
