بیجنگ( آن لائن )چین کی پٹرول کی برآمدات میں جولائی کے دوران 75 فیصد اضافہ ہوا جس کی وجہ آئل ریفائنریز کی جانب سے برآمدی ضروریات کے لیے پیداوار میں اضافہ اور ملکی طلب میں نسبتا کمی ہے۔محکمہ کسٹم کی جانب سے جاری حالیہ رپورٹ کے مطابق جولائی کے دوران پٹرول کی ملکی برآمد کا حجم 1.56 ملین ٹن

رہا جوکہ جولائی 2018 کے برآمدی حجم 8 لاکھ 90 ہزار ٹن سے 75 فیصد زیادہ ہے۔جون 2019 کے دوران پٹرول کا برآمدی حجم 1 ملین ٹن ریکارڈ کیا گیا تھا۔دوسری جانب ڈیزل کی ملکی برآمدات میں بھی جولائی کے دوران اضافہ ہوا جس کا حجم 1.58 ملین ٹن رہا، جولائی 2018 کے دوران ملکی ڈیزل کا برآمدی حجم 1.54 ملین ٹن ریکارڈکیا گیا تھا۔