اسلام آباد(مانیٹرنگ ڈیسک)ایک اور مسافر ٹرین خوفناک حادثے سے بال بال بچ گئی ، دوران سفرجناح ایکسپریس کی بوگیوں کو جوڑنے والا راڈ بکس ٹوٹ گیا۔ حاضر دماغ ڈرائیور نے خطرہ محسوس کرتے ہی ٹرین روک دی۔نجی ٹی وی کے مطابق جنگ شاہی ریلوے سٹیشن کے قریب جناح ایکسپریس کی ایک بوگی کاراڈ باکس
ٹوٹ گیا جس کے نتیجے میں ٹرین کی بوگیاں ہچکولے کھانے لگیں ۔ خطرہ محسوس کرتے ہی حاضر دماغ ڈرائیور کی طرف سے ٹرین کو رن پٹھانی ریلوے سٹیشن سے کچھ دور روک لیا گیا ۔ لیکن راڈ باکس کا معائنہ کرنے کے بعد بغیر مرمت کے ٹرین کو روانہ کر دیا گیا ۔جس پر مسافروں نے سخت احتجاج کیا۔
