اسلام آباد (این این آئی) اداکار ہرتیک روشن کو کنگنا کو لڑاکاکہنا مہنگا پڑ گیا ،کنگنا رناوت کی بہن رنگولی چینڈل نے کھڑی کھڑی سنا دیں میڈیا رپورٹ کے مطابق کچھ روز قبل اداکار ہرتیک روشن نے اپنے ایک پیغام میں کنگنا کو ’لڑاکا‘ کہہ دیا جو اْن کوبہت مہنگا پڑگیا۔
ہرتیک کے ٹوئٹ کرنے کی دیر تھی کہ رنگولی چینڈل نے تو فوراً انہیں رنگے ہاتھوں لے لیا اور نہایت خراب زبان استعمال کرتے ہوئے انہیں سوشل میڈیا پر ایسی باتیں سنائیں کہ سب ہی حیران رہ گئے۔سماجی رابطے کی ویب سائٹ ٹوئٹر پر رنگولی چینڈل نے اپنے ٹوئٹ میں کہا کہ ’یہ دیکھو انکل جی پھر شروع ہوگئے، ارے چل بھائی آگے بڑھ، تھوڑے تھوڑے دنوں بعد بے عزتی کی ڈوس کی لت لگ گئی ہے شاید، تیرے لیے اب میرے پاس کوئی ڈوس نہیں ہے، چل پھٹ یہاں سے۔رنگولی کے اس ٹوئٹ کے بعد سے اْنہیں شدید تنقید کا نشانہ بنایا گیا۔ اس سے قبل بھی وہ کئی مرتبہ ہرتیک کو ایسے ہی کچھ باتیں سنا چکی ہیں۔ اور نا صرف یہ بلکہ وہ اداکارہ عالیہ بھٹ، تپاسی پنو اور ورن دھون کیلئے بھی ایسے ہی نازیبا اور نا شائستہ الفاظ استعمال کرچکی ہیں۔اداکارہ کنگنا رناوت کی فلم ’’جج مینٹل ہے کیا‘‘ کے ٹریلر ریلیز ہونے پرکئی اداکاروں نے فلم کے ٹریلر کی تعریف کی جن میں اداکارہ تاپسی پنوں بھی شامل تھیں۔ تاہم کنگنا کی بہن رنگولی چینڈل نے تاپسی کی تعریف کرنے پر انہیں سراہنے کے بجائے الٹا ان پر تنقید کرتے ہوئے انہیں کنگنا رناوت کی ’سستی کاپی‘ قرار دے دیا۔
