ماسکو (این این آئی )روسی صدر ولادیمیر پوٹن نے کہاہے کہ امریکا کے ساتھ جوہری ہتھیاروں کی تخفیف کا سن 2021 تک کوئی نیا معاہدہ ممکن ہے۔غیرملکی خبررساں ادارے کے مطابق امریکا اور روس کے درمیان ایک دہائی پرانی جوہری ہتھیاروں میں کمی کی ڈیل نیو اسٹارٹ 2021 ہی میں ختم ہو رہی ہے۔ روسی صدر نے واضح
کیا کہ اس مناسبت سے اعلیٰ سفارت کاروں کو ہدایات جاری کر دی گئی ہیں۔ پوٹن نے معاہدے کے طے پانے کی کوئی حتمی تاریخ بتانے سے یہ کہہ کر گریز کیا کہ ابھی ایسا کہنا قبل از وقت ہے۔ نیو اسٹارٹ ٹریٹی پر سن 2010 میں سابق صدر اوباما اور اْن کے سابق روسی ہم منصب میڈویدیف نے دستخط کیے تھے۔
