ممبئی (این این آئی) ڈائریکٹر اور اداکارہ فرح خان نے روہت شیٹھی کو مشکل ترین ڈائریکٹر قرار دیدیا۔بھارتی میڈیا کے مطابق روہت شیٹھی کا شمار بھارت کے کامیاب ترین ڈائریکٹر میں ہوتا ہے، ان کی تین فلمیں 200 کروڑ سے زائد کا بزنس کر چکی ہیں اور ملک کے

مشہور فلم ڈائریکٹر ہیں وہ اس وقت اپنی چوتھی فلم بنانے کی تیاریوں میں مصروف ہیں جس کا نام ’’سوریا ونشی‘‘ ہے، اس فلم کے مرکزی کرداروں میں اداکارہ کترینہ کیف اور اداکار اکشے شمار شامل ہیں۔روہت شیٹھی کو مشکل ترین ڈائریکٹر قرار دیتے ہوئے فرح خان نے اپنی انسٹا گرام میں ایک تصویر شیئر کی ہے جس میں ان کا کہنا تھا کہ کچھ لوگ کامیابی کا خواب دیکھتے ہیں۔ کچھ لوگ بہت سخت محنت کرتے ہیں اس کی ایک مثال روہت شیٹھی اور   کترینہ کیف ہے جو رات کے تین بجے فلم سوریا ونشی کے فوٹو شوٹ میں مصروف ہیں۔روہت شیٹھی کی اس فلم میں مشہور گانا ’’ٹپ ٹپ برسا پانی‘‘ ایک مرتبہ پھر سننے کو ملے گا جس میں اداکارہ قطرینہ کیف ڈانس کرتی ہوئی نظر آئیں گی۔ اس فلم کے بارے میں کہا جا رہا ہے کہ یہ فلم آئندہ سال عید کے موقع پر ریلیز کی جائے گی جس کا متوقع طور پر بالی ووڈ کے کنگ سلمان خان کی آنے والی فلم ’’انشاء اللہ‘‘ کیساتھ مقابلہ ہو سکتا ہے جس کے بعد اطلاعات ہیں کہ روہت شیٹھی چاہتے ہیں کہ ’’سوریا ونشی‘‘ فلم کی ریلیز کی تاریخ کو تبدیل کیا جائے۔