لاہور( این این آئی ) اداکارہ زیبا بختیار نے کہا کہ پی ٹی وی کا ڈرامہ ’’انار کلی ‘‘کرنے کے بعد میں راتوں رات شہرت کی بلندیوں پر پہنچ گئی ،ٹی وی کے ساتھ فلموں میں بھی اداکاری کی اور دونوں جگہ کامیابیاں سمیٹیں۔ ایک انٹر ویو میں زیبا بختیار نے کہا کہ جب مجھے پہلی ڈرامہ سیریل میں کام کرنے کی پیشکش ہوئی تو والد صاحب
سے بڑی مشکل سے اجازت لی ۔انہوں نے کہا کہ میں نے پاکستان اور بھارت میں فلموں میں کام کیا اور کامیابیاں حاصل کیں ۔زیبابختیار نے کہا کہ میرا بنیادی تعلق کوئٹہ سے ہے اور اس علاقے سے لڑکی کاشوبز میں آنا انتہائی معیوب سمجھا جاتا تھا ۔انہوں نے کہا کہ کوئٹہ سے تعلق رکھنے والے اداروں نے ٹی وی پر بے پنا ہ شہرت حاصل کی ۔
