کراچی (این این آئی)پاکستانی ٹیم کی آئی سی سی ورلڈ ٹی 20کی فتح کے 21جون کو پورے دس سال مکمل ہوگئے ہیں۔تفصیلات کیمطابق 21جون 2009ء کو لارڈز (لندن )کے میدان پر قومی ٹیم نے سری لنکا کو 8وکٹ سے شکست دے کر شاندار فتح حاصل کی تھی۔لارڈز کے میدان پر سری لنکا کے کپتان کمار سنگا کارا نے ٹاس جیت کر پہلے بیٹنگ کی تھی،اور سری لنکا نے

20اوورز میں 6وکٹ پر 138رنزبنائے تھے۔سنگا کارا 52گیندوں پر 64رنز بنا کر ناٹ آئوٹ رہے تھے۔پاکستان کی جانب سے عبدالرزاق نے 3اوورز میں 20رنز دے کر 3وکٹیں حاصل کیں تھیں۔جواب میں پاکستان نے 19ویں اوور کی چوتھی گیند پر ہدف 2وکٹ پر عبور کر لیا تھا،میچ کے بہترین کھلاڑی شاہد خان آفریدی نے 2چوکوں اور 2چھکوں کیساتھ ناٹ آئوٹ 54رنز بنائے تھے۔