مانچسٹر (نیوزڈیسک)ورلڈکپ میں بھارت کے خلاف میچ میں صفر پر آوٹ ہونے والے قومی ٹیم کے تجربہ کار آل راؤنڈر شعیب ملک نے وائرل ویڈیو پر وضاحت دیتے ہوئے کہا کہ ویڈیو 13 جون کی ہے میچ سے پہلے والی رات کی نہیں۔قومی کرکٹ ٹیم کی بھارت سے ذلت آمیز شکست کے بعد شعیب ملک اور ان کی اہلیہ ثانیہ مرزا کی ہوٹل پر دوستوں کے ساتھ سامنے آنے والی

ایک ویڈیو پر تنقید کا سلسلہ نہ رک سکا،ویڈیو کے حوالے سے شعیب ملک نے اپنی ایک ٹوئٹ میں وضاحت دی کہ سوشل میڈیا پر وائرل ہونے والی ویڈیو 13 جون کی ہے، 15 جون کی نہیں۔شعیب ملک کے مطابق 20 سال سے ملک کی خدمت کررہا ہوں، دکھ ہے کہ ذاتی زندگی کے معاملات کی بھی وضاحت دینا پڑتی ہے۔انہوں نے وضاحت دی کہ سوشل میڈیا پر ہوٹل کی وائرل ویڈیو 13 جون کی نہیں بلکہ 15 جون کی ہے، اس سے پہلے پاکستان کرکٹ بورڈ نے بھی کہا تھا کہ میچ کی رات کسی کھلاڑی نے کرفیو ٹائم کی خلاف ورزی نہیں کی۔انہوں نے بتایا کہ کھلاڑی اپنے اہلخانہ کے ساتھ میچ سے دو روز قبل مینجمنٹ سے اجازت لیکر باہر گئے تھے، میچ کی رات تمام کھلاڑی ٹائم کے مطابق اپنے ہوٹل میں موجود تھے۔دریں اثناء نجی ٹی وی نے دعویٰ کیا ہے کہ قومی کرکٹ ٹیم کے کھلاڑی بھارتی ٹینس سٹار ثانیہ مرزا کے اصرار پر شیشہ پینے پر راضی ہوئے،اس موقع پر وہاب ریاض اور عماد وسیم بھی شعیب ملک کے ساتھ موجود تھے اور انہوں نے کھانا کھانے کی خواہش کا اظہار کیا لیکن شعیب ملک کی اہلیہ جو شیشہ پینے کی بہت شوقین ہیں ان کے اصرارپر شیشہ پینے پر رضامند ہوئے، اس موقع پر وہاب ریاض کی اہلیہ بھی شیشہ پیتی نظر آئیں۔