اسلام آباد (این این آئی) اسلام آباد میں دو کڑوڑ سے زائد واجبات کی عدم ادائیگی پر متعدد سرکاری اداروں کی بجلی منقطع کر دی گئی۔ترجمان آئیسکو کے مطابق سی ڈی اے چیرمین آفس اور ذیلی دفاتر کے ذمے ایک کروڑ 50 لاکھ کے واجبات ہیں،وزارت تعلیم نے آئیسکو کو واجبات کی مد میں 3 لاکھ 86 ادا کرنے ہیں۔ ترجمان کے مطابق چیف کمشنر اسلام کے دفاتر کے ذمے 26 لاکھ 43 ہزار کے واجبات ہیں،پی ڈبلیو ڈی 44 لاکھ سے زائد کا ناہندہ ہے۔ ترجمان آئیسکو کے مطابق آئیسکو چیف نے پرائیویٹ اور سرکاری اداروں سے بجلی واجبات بروقت ادا کرنیکی درخواست کی ہے۔