کراچی۔۔۔.پولینڈ میں مردہ قرار دی جانے والی 91 سالہ خاتون مردہ خانے میں 11 گھنٹے گزارنے کے بعد واپس اپنے گھر پہنچ گئی۔ حکام کا کہنا ہے کہ ڈاکٹر نے معائنے کے بعد انھیں مردہ قرار دے دیا تھا۔ برطانوی نشریاتی ادارے کے مطابق کووچ کو جب مردہ خانے منتقل کیا گیا تو کچھ دیر بعد ان کے جسم میں پیدا ہوئی۔پولیس نے اس واقعے کی تحقیقات شروع کر دی ہیں۔ پولینڈ کے اخبار زیننک وسکودنی کے مطابق خاتون کا خاندان اور ڈاکٹر اس واقعے پر صدمے میں ہیں۔رپورٹ کے مطابق خاتون کی بھانجی جب صبح گھر ائیں تو انھیں لگا کہ کووچ کوئی حرکت نہیں کر رہی ہیں اور نہ ہی ان کی سانس چل رہی ہے، اس تشویش پر ڈاکٹر کو بلایا تو اس نے معائنے کے بعد خاتون کو مردہ قرار دے کر موت کا سرٹیفیکٹ بھی دے دیا۔ دو دن میں ان کی اخری رسومات کی تیاریاں شروع کر دی گئیں۔تاہم چند گھنٹے بعد مردہ خانے کے عملے نے کووچ کی بھانجی کو فون پر ان کے زندہ ہونے کی اطلاع دی۔ کووچ کا کہنا ہے کہ جب وہ واپس گھر پہنچی تو انھوں نے اپنے رشتہ داروں کو بتایا کہ وہ معمول کے مطابق محسوس کر رہی ہیں۔ معائنہ کرنے والا ڈاکٹرحیران ہے کہ ایا ہوا کیا کیونکہ خاتون کے دل نے دھڑکنا بند کر دیا تھا اور نہ ہی وہ سانس لے رہی تھیں۔انھوں نے کہا کہ انھیں یقین تھا کہ ان کی موت واقع ہو چکی ہے۔