اسلام آباد (این این آئی)نیب حوالات میں سابق صدر آصف علی زرداری کا ایک مرتبہ پھر طبی معائنہ ہوا ہے،کمر میں تکلیف کے باعث سابق صدرکی فزیو تھراپی کی گئی، ان کا شوگر، بلڈ پریشر اور دل کی دھڑکن نارمل قرار دیا گیا۔اسلام آباد کے پولی کلینک کے میڈیکل بورڈ کی ٹیم نے آصف علی زرداری کا مکمل چیک اپ کیا۔ سابق صدر کا شوگر، بلڈ پریشر اور دل کی دھڑکن نارمل پائی گئی۔ کمر میں تکلیف کے باعث ان کی فزیوتھراپی کی گئی۔واضح رہے کہ آصف علی زرداری پہلے سے ہی کمر درد اور عارضہ قلب میں مبتلا ہیں۔