اسلام آباد (این این آئی) سپریم کورٹ آف پاکستان میں جمعرات کو شہباز شریف، فواد حسن فواد کی ضمانت منسوخی سمیت متعدد کیسز کی سماعت ہوگی۔ تفصیلات کے مطابق سپریم کورٹ میں جمعرات کو مختاراں مائی گینگ ریپ کیس کے ملزمان کی سزا میں اضافے سے متعلق کیس کی سماعت ہوگی، جسٹس گلزار احمد کی سربراہی میں تین رکنی بینچ کیس کی سماعت کرے گا۔
سپریم کورٹ میں پاکستان مسلم لیگ (ن) کے صدر محمد شہباز شریف اور فواد حسن فواد ضمانت منسوخی سے متعلق کیس،اورنج لائن میٹرو ٹرین پراجیکٹ سے متعلق کیس،مفتی مصباح الدین بنام محسن جاوید انتخابی عزرداری سے متعلق درخواست،ندا کھوڑو بنام معظم علی خان انتخابی عزرداری سے متعلق درخواست،عبدالقہار بنام الیکشن کمیشن آف پاکستان انتخابی عزرداری سے متعلق درخواست،سماجی کارکن پروین رحمان کے قتل کیس،کمسن بچی امل عمر ہلاکت ازخود نوٹس کیس،نئی گج ڈیم کی تعمیر سے متعلق کیس کی سماعت ہوگئی۔ اس کے علاوہ وفاقی وزیر ریلوے شیخ رشید احمد کے خلاف دائر توہین عدالت کی درخواست پر سماعت ہوگی،جسٹس عظمت سعید شیخ کی سربراہی میں تین رکنی بینچ اس کیس کی سماعت کرے گا۔سپریم کورٹ میں گلگت بلتستان کی آئینی حیثیت سے متعلق کیس کی سماعت جسٹس عظمت سعید شیخ کی سربراہی میں سات رکنی لارجر بنچ کریگا، بحریہ ٹاؤن عملدرآمد کیس کی سماعت جسٹس عظمت سعید شیخ کی سربراہی میں پانچ رکنی لارجر بینچ کریگا جبکہ دیامیر بھاشا اور مہمند ڈیم فنڈز کیس کی سماعت جسٹس عظمت سعید شیخ کی سربراہی میں تین رکنی خصوصی بینچ کریگا۔ سپریم کورٹ آف پاکستان میں جمعرات کو شہباز شریف، فواد حسن فواد کی ضمانت منسوخی سمیت متعدد کیسز کی سماعت ہوگی۔
