اسلام آباد (این این آئی)قومی اسمبلی میں وزیرمملکت حماد اظہر نے اپوزیشن ارکان کی عدم موجودگی میں ہی بجٹ تقریر شروع کر دی۔منگل کو قومی اسمبلی میں آئندہ مالی سال 2019-20ء کے وفاقی بجٹ کی تقریر وزیر مملکت حماد اظہر نے شروع کی تو اس وقت ایوان میں اپوزیشن کے اراکین موجود نہیں تھے تاہم بعد ازاں تقریر کے دوران اپوزیشن ارکان ایوان میں آئے۔اجلاس کے دور ان مسلم لیگ (ن) کے اراکین نے بازوؤں پر سیاہ پٹیاں باندھ کر قومی اسمبلی کے بجٹ اجلاس میں شرکت کی۔ بجٹ اجلاس کے موقع پر شہباز شریف 5 بج کر 20 منٹ پر ایوان میں آئے۔ ان کے ہمراہ رانا ثناء اللہ اور دیگر اراکین نے بھی تھے۔