کیش کے گم اور چوری ہوجانے کا خوف ہر انسان کو پریشان رکھتا ہے اور وہ ہر وقت یہ سوچتا رہتا ہے کہ اسے کیسے محفوظ رکھے اسی پریشانی کو کم کرنے کے لیے جدید بینکنگ نے کریڈٹ اور ڈیبٹ کارڈ ز متعارف کرادیئے جسے عوام نے اتنا سراہا کہ ایک سروے کے مطابق آئندہ 10 سال میں کیش یعنی نوٹ ہی ختم ہوجائیں گے کیونکہ لین دین کا سارا نظام کارڈ سسٹم پر منتقل ہوجائے گا۔ انٹرنیشنل جرنل آف الیکٹرانک بزنس کے سروے کے مطابق صرف آسٹریلیا میں اس سال لوگوں نے 11 ارب ڈالر کی رقم کیش کی صورت میں بینکوں سے نکالی لیکن 82 فیصد ادائیگیاں صرف نان کیش ٹرانزیکشن طریقے سے کی گئیں جس میں کریڈٹ کارڈ نمایاں ہیں۔