راولپنڈی (نیوز ڈیسک) مت بھولو 27 فروری کو یہی فوج تھی اور اس کا یہی بجٹ تھا، پاکستان آرمی کی جانب سے بھارتی میڈیا کے پروپیگنڈے پر شدید ردعمل، ڈی جی آئی ایس پی میجر جنرل آصف غفور نے دو ٹوک موقف اختیارکرتے ہوئے بھارت کو تنبیہ کرتے ہوئے پاکستان میں بھارتی دراندازی کی کوشش پر بھارتی پائلٹ ابھے نندن کی گرفتاری کا دن یاد دلایا اور کہا کہ مت بھولو 27 فروری کو یہی فوج تھی

اور اس کا یہی بجٹ تھا۔ پاک فوج کے ترجمان نے اپنے ٹوئٹ میں کہا کہ ہمارے اندرونی دفاعی بجٹ کو جعلی بھارتی میڈیا توڑ مروڑ کر پیش کر رہاہے، انہوں نے خبردار کرتے ہوئے کہاکہ ہمارے پاس جواب دینے کی مکمل صلاحیت ہے، یاد رکھو، پاکستانی مسلح افواد کے پیچھے بجٹ نہیں بلکہ افواج کا عزم اور متحد قوم ہے۔ اس طرح میجر جنرل آصف غفور نے بھارتی پروپیگنڈے کا بھرپور جواب دیا۔