اسلام آباد (نیوز ڈیسک) شریف خاندان کا ایک اور فراڈ بے نقاب ہو گیا، کروڑوں روپے کی ہیرپھیر سامنے آ گئی، رمضان شوگر ملز نے جعلی اکاؤنٹس کے ذریعے کروڑوں روپے کی ٹرانزیکشنز کیں، ٹیکسی ڈرائیور کے نام پر جعلی اکاونٹ بنایا گیا،ایف بی آر نے ٹیکسی ڈرائیور کو نوٹس جاری کر دیا۔ نجی ٹی وی نے ذرائع کے حوالے سے بتایاکہ رمضان شوگر ملز نے ٹیکسی ڈرائیور عاقل عباسی کے نام پر بنائے گئے اکاؤنٹ سے ٹرانزیکشن کی، جعلی اکاؤنٹس

سے ٹرانزیکشنز پر ایف بی آر نے ٹیکسی ڈرائیور کو نوٹس جاری کر دیا ہے،ٹیکسی ڈرائیور سے کہا گیا ہے کہ بتایا جائے آپ کے اکاونٹ میں اتنے پیسے کہاں آئے؟۔دوسری جانب نجی ٹی وی سے بات کرتے ہوئے ٹیکسی ڈرائیور کا کہنا تھا کہ رمضان شوگر ملز کا علم ہے نا ہی کروڑوں کی ٹرانزیکشن سے کوئی تعلق ہے، اس کے نام سے اکاونٹ کسی نے بنایا اور کیا ٹرانزیکشنز ہوتی رہیں، ان تمام معاملات کے بارے میں وہ کچھ نہیں جانتا۔