اسلام آباد (این این آئی)ملک کے ممتاز اور جید علمائے کرام نے خیبر پختون خوا میں عید کے اعلان کو مسترد کردیا۔تفصیلات کے مطابق خیبرپختونخوا حکومت نے صوبے بھر میں منگل کو عید الفطر منانے کا اعلان کیا، جسے ملک کے نامور علمائے کرام نے مسترد کردیا۔میڈ یا سے خصوصی گفتگو میں مفتی زبیر نے کہا کہ مرکزی رویت ہلال کمیٹی کے ہوتے ہوئے
ایک مسجد کی انتظامیہ کے کہنے پر صوبائی حکومت نے کیسے اعلان کردیا۔ مفتی نعیم کا کہنا تھا کہ ریاست کی قائم کردہ کمیٹی کی موجودگی میں عید کا اعلان کر کے صوبائی حکومت کیا ریاست میں اختلاف پیدا کرنا چاہتی ہے؟ایبٹ آباد کی جامع مسجد صدیق شریفی کے خطیب علامہ سعیداللہ ہزاروی نے کہا ہے کہ منگل کو ہزارہ ڈویژن میں 29 واں رو زہ تھا۔
