اسلام آباد (این این آئی) اسلام آباد ہائی کورٹ نے راجہ بشارت کی نا اہلی کیلئے دائر درخواست پر الیکشن کمیشن کو تحریری جواب عدالت میں جمع کرانے کا حکم دیا ہے ۔ بدھ کوصوبائی وزیر قانون راجہ بشارت کی نا اہلی کیلئے دائر درخواست پر سماعت اسلام آباد ہائیکورٹ کے سنگل رکنی بنچ جسٹس محسن اختر کیانی نے کی۔ دور ان
سماعت ایف بی آر کے وکیل نے جواب جمع کرا دیا۔عدالت نے الیکشن کمیشن کو تحریری جواب عدالت میں جمع کرانے کا حکم دیدیابعد ازاں کیس کی سماعت 21 جون تک کے لئے ملتوی کر دی گئی ۔ یاد رہے کہ صوبائی وزیر قانون پنجاب بشارت راجہ کی نا اہلی کیلئے ان کی مبینہ بیگم سیمل راجہ نے درخواست دائر کر رکھی ہے۔
