کراچی(این این آئی)پاکستان تحریک انصاف کے رکن قومی اسمبلی اور معروف اینکرعامر لیاقت حسین نے کہاہے کہ انہیں رمضان ٹرانسمیشن سے برطرف نہیں کیا گیا بلکہ وہ بیمار ہیں جس کے باعث ٹرانسمیشن نہیں کر رہے۔میڈیا رپورٹس کے مطابق عامر لیاقت حسین سے متعلق گزشتہ روز سے یہ خبریں گردش کر رہی ہیں کہ انہیں سرکاری ٹی وی پر رمضان ٹرانسمیشن

کرنے سے روک دیا گیا ہے جس کے جواب میں عامر لیاقت نے کہاکہ انہیں بر طرف نہیں کیا گیا بلکہ وہ بیمار ہیں اس لیے ٹرانسمیشن نہیں کر سکے۔سماجی رابطے کی ویب سائٹ ٹوئٹر پر انہوں نے اپنے پیغام میں کہا کہ ناظرین انشاء اللہ افطار نشریات سے مجھے دیکھ سکیں گے، طبیعت ناساز ہے اس لیے ابھی سحری میں نہیں آسکا، ناظرین سے معذرت خواہ ہوں۔