پشاور (نیوز ڈیسک) ملک بھر میں بڑھتے ہوئے ٹریفک مسائل نے شہریوں کو پریشان کر رکھا ہے لیکن خیبرپختونخوا حکومت نے اہم فیصلہ کیا ہے جس سے ٹریفک مسائل سے پریشان ہونے کی ضرورت نہیں رہے گی، جی ہاں اب آپ سرکاری ہیلی کاپٹر کرائے پر حاصل کر سکیں گے لیکن ہیلی کاپٹر کرائے پر صرف خیبرپختونخوا میں ملے گا،
میڈیا ذرائع کے مطابق خیبرپختونخوا حکومت نے سرکاری ہیلی کاپٹر کرائے دینے کی تیاری کر لی ہے، سرکاری ہیلی کاپٹر ایس او پیز میں ترمیم کے بعد کرائے پر حاصل کیا جا سکے گا۔ صوبائی وزراء بھی اس ترمیم کے بعد ہیلی کاپٹر استعمال کر سکیں گے، 9 مئی کو ہونے والے کابینہ اجلاس میں اس ترمیم کو منظوری کے لیے پیش کیا جائے گا۔
