اسلام آباد (این این آئی)وزیر اعظم کی معاون خصوصی برائے اطلاعات فردو س عاشق اعوان نے کہاہے کہ القادر یونیورسٹی کو قائم کرنے کا منصوبہ خاتون اول بشریٰ بی بی اور وزیراعظم عمران خان کا ہے۔ایک انٹرویومیں فردوس عاشق اعوان نے کہا کہ
وزیراعظم عمران خان اور ان کی اہلیہ نے اس منصوبے کو حقیقت میں ڈھالنے میں اہم ترین کردار ادا کیا ہے۔انہوں نے کہاکہ القادر یونیورسٹی نوجوانوں کو جدید سائنسی علم سکھانے اور نبی پاک ؐ کی زندگی کے بارے میں نوجوانوں کو آگاہی فراہم کریگی۔
