لاہور(این این آئی)پاکستان پوسٹ نے متعدد سروسز کے ریٹ میں نمایاں اضافہ کردیا، ڈاک کا لفافہ 12 روپے مہنگا کردیا گیا،25 کلو والے پارسل کے چارجز 450روپے بڑھا دئیے گئے۔نجی ٹی وی کے مطابق اضافے کے بعد ڈاک کا لفافہ 12 روپے مہنگا کرکے 8 روپے کے بجائے 20 روپے کا کر دیا گیا ہے، ایک کلو

کا پارسل بھیجنے کے چارجز میں بھی 60روپے اضافہ کیا گیا ہے جو اب40 سے بڑھ کر100 روپے ہوں گے۔25کلو تک کے پارسل کے چارجز میں بھی 450 روپے اضافہ کیا گیا ہے جو300 روپے  سے بڑھا کر 750 روپے کردی گئی ہے۔تمام ڈاکخانوں میں نئے نرخوں کا اطلاق کر دیا گیا ہے۔